Չինաստանում մի քանի կայք են փակել, որոնք հրապարակել են ոչ թե կառավարական պաշտոնական հաղորդագրությունները, այլ սեփական հոդվածները:
Փակվել են երկրի սոցիալական եւ քաղաքական կյանքին նվիրված հոդվածներ հրապարակող Sina, Sohu, NetEase եւ iFeng կայքերը, ինչպես նաեւ սոցցանցերում մի քանի էջեր: Այս ռեսուրսներին նաեւ տարբեր տուգանքներ են սպառնում:
BBC-ի հաղորդմամբ՝ իշխանություններն այս կայքերը քննադատել են ավելորդ անկախության եւ «մեծ ակտիվության համար, որոնք խախտում են օրենքներն ու կանոնակարգումը»:
Չինական մասնավոր լրատվամիջոցներում աշխատող լրագրողները հավատարմագրված են միայն մարզական եւ ժամանցային իրադարձություններ լուսաբանելու համար: Ըստ France Presse-ի՝ դրանք կարող են նաեւ լրատվական նյութեր հրապարակել, որոնք թողարկում է պետական Սինխուա գործակալությունը:
Ամեն դեպքում, որոշ մասնավոր կայքեր սեփական թիմն են ստեղծել, որոնք զբաղվում են լրահավաքությամբ կամ նույն լրագրողական հետաքննությամբ: Իշխանությունները, սակայն, պայքարում են նման տեղեկատվական ռեսուրսների դեմ:
