Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Թայյիփ Էրդողանը օգոստոսի 9-ի հանդիպման ընթացքում կանդրադառնան «Ակկույու» ԱԷԿ-ի, «Թուրքական հոսք»-ի նախագծերի իրականացմանը, ինչպես նաեւ ռուսաստանյան շուկայում թուրքական շինարարական ընկերությունների աշխատանքին: Այդ մասին հայտնել է Ռուսաստանի նախագահի օգնական Յուրի Ուշակովը, հայտնում է «ՌԻԱ Նովոստին»:
«Իրականում գագաթնաժողովին կքննարկվեն առանցքային համատեղ նախագծեր, մասնավորապես` Թուրքիայում առաջին` «Ակկույու» ատոմային էլեկտրակայանի կառուցման հարցը, «Թուրքական հոսքին» վերաբերող հարցեր, հետո Ռուսաստանի տարածքում մեր շինարարական ծրագրերում թուրքական ընկերությունների մասնակցության հետագա հարցեր», — ասել է Ուշակովը:
Խոշոր նախագծերից բացի, կողմերը, Ուշակովի խոսքով, կքննարկեն ռուսաստանյան ուղղակի ներդրումների հիմնադրամի (ՌՈՒՆՀ) մասնակցությամբ համատեղ նախագծեր: ՌԴ նախագահի օգնականի խոսքով, տնտեսական թեմաները երկրների առաջնորդների հանդիպման ընթացքում ամենակարեւորներից կլինեն: Պրոֆիլային նախարարություններին ու գերատեսչություններին հանձնարարականներ կտրվեն վերականգնելու աշխատանքը երկկողմ փաստաթղթերի վրա, որոնք թույլ կտան վերացնել առեւտրում առկա խոչընդոտները», — նշել է նախագահի օգնականը:
«Կքննարկվի թուրքական արտադրանքի Ռուսաստան արտահանման վերականգնման հարցը: Անհրաժեշտ է շեշտը դնել այն բանի կարեւորության վրա, որ թուրքական իշխանությունները թույլ չէին տալիս, որ իրենց տարածքով Ռուսաստան վերաարտահանվի Եվրամիության երկրների եւ մի շարք այլ պետությունների արտադրանքը, որոնք ընկնում են ԵՄ-ի պատժամիջոցներին մեր պատասխան սահմանափակումների տակ», — հայտնել է Ուշակովը: