![](img/news/03/41/29/default.jpg)
«Հանրապետական կուսակցության մեր գործընկերներին խորհուդ եմ տալիս իրենց՝ նույնիսկ շատ ընդհանուր եւ վերացական բնույթի հայտարարություններում շատ զգույշ եւ կոռեկտ լինել»,- NEWS.am-ի թղթակցի հետ զրույցում հայտարարեց «Բարգավաճ Հայաստան» կուսակցության պատգամավոր Նաիրա Զոհրաբյանը՝ անդրադառնալով Հանրապետական խմբակցության անդամ Գագիկ Մելիքյանի ակնարկող այն հայտարարությանը, թե ՀՀԿ-ի համար «թուլացնել թույլին ուղղակի հակացուցված է եւ դա ուժեղին հարիր չէ»։
Նշենք, որ Ճշտելու համար, թե «թույլեր» ասելով՝ հանրապետական գործիչ, արդյոք. նկատի է ունեցել «Բարգավաճ Հայաստան» կուսակցությա՞նը, Նաիրա Զոհրաբյանը զանգահարել է ՀՀԿ խմբակցության ղեկավար Գալուստ Սահակյանին, ով իր հերթին զանգահարել է Գագիկ Մելիքյանին՝ փորձելով ճշտել, թե վերջինս այսօր կայացած ասուլիսի ժամանակ նման բան ասե՞լ է։ «Գագիկ Մելիքյանը Գալուստ Գրիգորիչին հավատացրել է, որ ԲՀԿ-ին նկատի չի ունեցել։ Ամեն դեպքում, եթե լրագրողները նման տոնայնություն են զգացել, ես հանրապետական մեր գործընկերներին կրկին խորհուրդ եմ տալիս զգույշ եւ կոռեկտ լինել իրենց՝ նույնիսկ շատ ընդհանրական ձեւակերպումներում»,- նշեց Նաիրա Զոհրաբյանը՝ ավելացնելով, որ եթե ձեւակերպումն ուղղված լիներ ուղիղ «Բարգավաճ Հայաստանին», Գագիկ Մելիքյանը շատ լուրջ եւ խիստ պատասխան էր տալու իր՝ նման հայտարարության համար։
Նշենք, որ այսօր՝ հոկտեմբերի 11-ին, տեղի ունեցած մամուլի ասուլիսի ժամանակ Գագիկ Մելիքյանը հավաստիացրել էր, որ ՀՀԿ-ն հզոր քաղաքական ուժ է եւ «որեւէ մեկին, առավել եւս կոալիցիոն կուսակցությանը, թուլացնելու նպատակ չունի»։ «Մեր նպատակները միտված են ուժեղացնել ՀՀԿ-ն։ Իսկ թուլացնել թույլին ուղղակի հակացուցված է եւ դա ուժեղին հարիր չէ»,- ասել էր նա։