![](img/news/34/22/57/default.jpg)
Իսրայելի եւ Թուրքիայի միջեւ հարաբերությունների կարգավորման մասին պայմանագիրը վավերացման համար ուղարկվել է Թուրքիայի խորհրդարան, հայտնում է NTV հեռուստաալիքը:
Պայմանագրի համաձայն, Իսրայելը պարտավոր կլինի Թուրքիային 25 օրվա ընթացքում 20 մլն դոլարի փոխհատուցում վճարել 2010 թվականին «Ազատության նավատորմի» հետ կապված միջադեպի համար, որը երկրների միջեւ հարաբերությունների վատացման պատճառ է դարձել:
Իսրայելը եւ Թուրքիան հունիսի 28-ին հարաբերությունների կարգավորման մասին համաձայնագիր են ստորագրել: Որպեսզի փաստաթուղթն ուժի մեջ մտնի, երկու երկրի խորհրդարանները պետք է հավանություն տան դրան: Վավերացումից հետո տեղի կունենա դեսպանների փոխանակում:
Վավերացման դեպքում Թուրքիան նաեւ պարտավորվում է հրաժարվել միջադեպի վերաբերյալ բոլոր պահանջներից, իսկ իսրայելական զինվորականները քրեական եւ իրավական պատասխանատվության չեն ենթարկվի, հայտնում է հեռուստաալիքը:
2010 թվականին իսրայելական «կոմանդոները» գրավել էին Գազայի սեկտորի շրջափակումը ճեղքելու շտապող նավերը: Միջադեպը հանգեցրել էր նավարկությանը մասնակցող երկու թուրքի մահվան: