Թուրքիայի 9 քաղաքացիների ընտանիքները, ովքեր սպանվել էին «Ազատության նավատորմի» հետ կապված միջադեպի ժամանակ, Իսրայելի դեմ հայց են ներկայացրել Միջազգային քրեական դատարան: Այս մասին հաղորդում է իրանական Press-TV հեռուստաալիքը:
Հիշեցնենք, որ ի պատասխան նրա, որ միջազգային հանրությունը դատապարտեց Իսրայելի կողմից պաղեստինամետ ակտիվիստների նկատմամբ զենքի կիրառումը, Իսրայելը հայտարարել է, որ զենքը կիրառել է ինքնապաշտպանության նպատակով, հաղորդում է «Ինտերֆաքսը»:
Ավելի վաղ NEWS.am-ը հայտնել է, որ Իսրայելի ռազմածովային ուժերը Գազայի հատված ուղեւորվող նավատորմը ձերբակալել էին մայիսի 31-ին, Միջերկրական ծովում։ Գործողությունների ընթացքում զոհվել էր 9 մարդ, տասնյակ մարդիկ վիրավորվել էին:
