Ամերիկայի Բալթիմոր քաղաքում (Մերիլենդի նահանգ) հրաձգության հետեւանքով վիրավորվել է առնվազն 8 մարդ, այդ թվում 3-ամյա երեխա, հաղորդում է CBS հեռուստաալիքը։

Ավելի վաղ ոստիկանությունը հայտնել էր, որ քաղաքի արեւելքում հրաձգություն է տեղի ունեցել, որի հետեւանքով մի քանի մարդ է տուժել։

Հեռուստաալիքի փոխանցմամբ, տուժածները կյանքի համար վտանգավոր վնասվածքներ չեն ստացել։ Ոստիկանությունը հայտարարել է, որ փնտրում է երեք կասկածյալների, որոնք դեպքի վայրից դիմել են փախուստի։ Նրանց մեկի մոտ հրացան է եղել, մյուս երկուսի մոտ՝ ատրճանակ։