Volkswagen ընկերությունը Փարիզի ավտոսրահ է բերել ինքնավար կառավարմամբ էլեկտրամեքենայի կոնցեպտ, փոխանցում է Lenta-ն:
Մոդելը կոչվում է I.D: Այս մեքենայի ծածկոցի տակ տեղադրված է 170 ձիաուժ հզորությամբ էլեկտրաշարժիչ, ընթացքի պաշարը կազմում է 400-600 կիլոմետր:
Մեքենայի յուրահատկություններից մեկը հատուկ մտահղացված անվասկավառակներն են, որոնք փոքրացնում են օդի դիմադրությունը: Ինտերիերը կատարված է Open Space կոնցեպցիայով:
2016 թվականի հունիսին կոնցեռնը ներկայացրել էր միչեւ 2025 թվականի զարգացման պլանը: Դրանում նախատեսված է մարդատար մեքենաների վերաբերյալ ընկերության հիմնական մոտեցումը. շեշտը դրված է էլեկտրական եւ առանց վարորդի փոխադրամիջոցների վրա: Ինը տարի հետո արտադրանքի հավաքածուում կհայտնվեն 30 էլեկտրամեքենաներ, որոնց տարեկան վաճառքը պետք է հասնի 2-3 միլիոնի: Դրանից բացի, ընկերությունը կենտրոնացել է շարժական հավելվածների մշակման վրա:
