Մեծ Բրիտանիայի վարչապետ Թերեզա Մեյը հայտարարել է, որ կլսի ԵՄ կազմից Մեծ Բրիտանիայի դուրս գալու հարցում Շոտլանդիայի կարծիքը, սակայն թույլ չի տա վետո դնել բանակցությունների վրա, հայտնում է Reuters-ը:
«Ես հաստատ կարող եմ ասել, որ բանակցություններին կմասնակցի Շոտլանդիայի կառավարությունը: Միացյալ Թագավորությունը հավատարիմ կմնա բանակցություններում իր դիրքորոշմանը»,- ասել է նա:
Ավելի վաղ Գերմանիայի կանցլեր Անգելա Մերկելը հայտարարել էր, որ ԵՄ կազմից Մեծ Բրիտանիայի դուրս գալու որոշումը նախազգուշացում է բլոկի մյուս անդամների համար, որոնք պետք է սովորեն արագ որոշումներ կայացնել, այլ ոչ թե նոր պայմանագրեր կազմելու վրա ժամանակ վատնեն: