«Զինված խմբի» գործով մեղադրյալ, պաշտպանության նախկին փոխնախարար Վահան Շիրխանյանը պատրաստվում է քրեակատարողական հիմնարկում հանդես գալ մամուլի ասուլիսով: Այս մասին այսօր՝ հոկտեմբերի 10-ին, NEWS.am-ի հետ զրույցում ասաց նրա պաշտպան Հայկ Ալումյանը:
Նա նշեց, որ այժմ կարգավորվում են ասուլիսի կազմակերպման հետ կապված տեխնիկական հարցերը , որից հետո պարզ կլինի ասուլիսի օրը:
Հիշեցնենք, որ Վահան Շիրխանյանի մեղադրանքը խստացվել էր, այժմ նա մեղադրվում է նաեւ իշխանության յուրացում նախապատրաստելու մեջ:
Վահան Շիրխանյանը կալանավորվել է 2015թ. դեկտեմբերի 21-ին «զինված խմբի» գործով։ Նա մեղադրվում է խմբի պարագլուխ հանդիսացող Արթուր Վարդանյանի հետ հանցավոր համագործակցության մեջ, կոնկրետ հանձնառություն եւ դերակատարություն ունենալու մեջ: Անազատության մեջ գտնվելով՝ Վահան Շիրխանյանը ոտքից վիրահատվել է, առողջական խնդիրներ ունի:
