Հայաստանում դեֆոլտից վախենալ պետք չէ։ Այս մասին հոկտեմբերի 24-ին լրագրողների հետ հանդիպմանը հայտարարեց Հայաստանում Ամերիկյան առեւտրի պալատի (AmCham) նախագահ Տիգրան Ջրբաշյանը՝ մեկնաբանելով Լեւոն Տեր–Պետրոսյանի հայտարարությունը մոտալուտ դեֆոլտի մասին։
Ջրբաշյանի խոսքով՝ վերջին 2 տարում վճարային հաշվեկշռի դեֆիցիտը ՀՆԱ–ի նկատմամբ, ընդհակառակը, լավացել է. 2014 թվականի մինուս 7.6 տոկոսից 2016-ի արդյունքում պետք է հասնի մինուս 2.5 տոկոսի (ԱՄՀ կանխատեսումներով)։ Պատճառները երկակի են։ Մի կողմից սկսվել է վերականգնվել արտահանումը Ռուսաստան, մյուս կողմից՝ պակասել են տրանսֆերտները այդտեղից, եւ երկրում նվազել է այդ թվում ներմուծվող ապրանքների սպառումը։ Այդուհանդերձ, զուտ էֆեկտը դրական է վճարային հաշվեկշռի համար։ «Կենտրոնական բանկի պահուստները նկատելի գերազանցում են կրիտիկական գիծը՝ 3 ամսվա ներմուծման ծավալը։ Իսկ ներմուծման ներկայիս կրճատված ծավալների դեպքում պահուստներն ամեն դեպքում չեն բավականացնում։ Այլ գործ է, որ հանրապետության առաջ կանգնած է արտաքին պարտքի վճարումների անհրաժեշտությունը։ Մոտակա տարիներին մեծ խնդիրներ կլինեն դրա սպասարկման հետ, եթե ներգրավվող միջոցները մուլտիպլիկատիվ արդյունք են ունենում տնտեսության վրա»,– ասել է Ջրբաշյանը։
Նշենք, որ ԱՄՆ տվյալներով՝ 2015-ին ԿԲ պահուստները հավասար են եել ներմուծման 5 ամիսների արդյունքներին, իսկ 2016-ի վերջին ԱՄՀ–ն 5 տոկոս է կանխատեսում։ 2015–ի վերջին Հայաստանի արտաքին պարտքը կազմել է ՀՆԱ 48.7 տոկոսը։ 2016-ին ԱՄՀ գնահատմամբ այն կկազմի 52.4 տոկոս, իսկ 2017-ին՝ 57 տոկոս։