Հայաստանի ազգային հավաքականի եւ ռուսական «ԲՄԱ Խաբարովսկի» հարձակվող Ռուսլան Կորյանը ֆուտբոլի աշխարհի առաջնության ընտրական խաղում Չեռնոգորիայի նկատմամբ 3:2 հաշվով կամային հաղթանակից հետո պատասխանեց NEWS.am-ի թղթակցի հարցերին:
«Զգացողություններս հիանալի են: Այսօր երկրորդ խաղակեսում նոր թիմ ծնվեց: Արթուր Պետրոսյանը թիմին իրեն շատ մոտ է պահում, բայց նաև հեռավորություն է պահում մեզ հետ որպես մարզիչ ու ֆուտբոլիստ: Շատ հետաքրքիր մարզումներ ենք անցկացնում: Մեր խաղը գնալով ստացվում է առաջին երեք անհաջողություններից հետո: Այս երկրորդ խաղակեսը լավ հիմք է նոր թիմ կառուցելու համար: Հանդերձարանում ոչ մի առանձնահատուկ բան չեղավ: Արթուրը մեզ ասաց, որ հավատանք մեզ ու գլուխներս չկախենք, և արդյունքը կգա: Ամեն խաղին դուրս ենք գալիս հավատով: Չհուսահատվեցինք եւ 3 գոլ խփեցինք: Ինձ այդ փաստը ուրախացնում է: Սա ֆուտբոլ է: Սա շատ լավ նշան էր մեզ համար: Հուսամ հետագայում միշտ այդպես է լինելու»,- նշեց Կորյանը: