Երեւանում անցկացվող «Անտիկոնտրաֆակտ 2016» միջազգային ֆորումի 4-րդ համաժողովը համաժողովի նպատակն է ԵՏՄ երկրների գերատեսչությունների հետ քննարկել եւ մշակել կեղծ ապրանքների շրջանառության կանխարգելման մեթոդները: Այս մասին այսօր՝ նոյեմբերի 22-ին, լրագրողների հետ զրույցում նշել է ՀՀ տնտեսական զարգացման եւ ներդրումների փոխնախարար Գարեգին Մելքոնյանը:
Նրա խոսքով, մտավոր սեփականության պաշտպանության ոլորտում կան մի քանի կառույցներ, որոնք իրենց կարեւոր դերակատարությունն ունեն կեղծված ապրանքերի շրջանառությունը կանխելու գործում՝ մաքսային ծառայությունները սահմանի վրա, ոստիկանության մարմինները, Հայաստանում տնտեսական զարգացման եւ ներդրումների նախարարությունը, մտավոր սեփականության գործակալությունը եւ այլն։
 |
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
«Մտավոր սեփականության պաշտպանություն ասելով՝ նկատի ունենք մեզ քաջ հայտնի ապրանքների նշանների գրանցումը եւ դրանց պաշտպանությունը՝ կեղծ ապրանքների ներքո շրջանառությունից։ Սա կարեւոր հարց է։ Ապրանքը պետք է պաշտպանված լինի։ Դա է պահանջում տնտեսական զարգացման մոդելը եւ սպառողի շահերը»,-ընդգծեց ելքոնյանը:
Նրա ներկայացմամբ, չկա վիճակագրություն, թե ԵՏՄ անդամ երկրներում կեղծ ապրանքների շրջանառությունը քանի տոկոս է կազմում, բայց Հայաստանում իրավիճակն այդքան էլ վատ չէ. «Ընդհանուր վերլուծությունները ցույց են տալիս, որ Հայաստանը վատ դիրքերում չէ, քանի որ մենք շատ ինտենսիվ հարաբերություններ ենք ունեցել նաեւ Եվրոպական միության հետ, եւ ԵՄ մոդելի հիման վրա կար ձեւավորված ռազմավարություն, որը նույնպես իրագործման ընթացքում է եղել»:
Անդրադառնալով Հայաստանում ռուսական կեղծված օղի իրացնելու խնդրին, փոխնախարրն ասաց, որ կեղծված ապրանքանիշի իրավատերը պետք է դիմի ՀՀ պատկան մարմիններին՝ այդ ապրանքի վաճառքը դադարեցնելու համար։ «Իսկ եթե կա շփոթության աստիճանի նմանություն, օրինակ, եթե նույն դիզայնն է, բայց մեկ տառ փոխված է, դա համարվում է շփոթության աստիճանի նմանություն եւ ենթակա չէ գրանցման»։
ՌԴ արդյունաբերության և առևտրի փոխնախարար Վիկտոր Յեվտուխովն էլ նշեց, որ ԵՏՄ-ն ապրանքների ազատ շրջանառություն է բերել է կեղծ ապրանքների ավելացման:
