Մադագասկարի մայրաքաղաքում ընթացող ՖՄԿ նախարարական համաժողովի շրջանակներում ՀՀ ԱԳ նախարար Էդվարդ Նալբանդյանը նոյեմբերի 24-ին հանդիպում ունեցավ Տոգոյի արտաքին գործերի, համագործակցության եւ աֆրիկյան ինտեգրացիայի նախարար Ռոբերտ Դուսեյի հետ:
Զրուցակիցները ջերմությամբ հիշեցին 2015թ.-ին Երեւանում անցկացված ՖՄԿ համաժողովի շրջանակներում կայացած հանդիպումը` ընդծելով Ֆրանկոֆոնիայի կազմակերպության միավորող դերը տարբեր երկրների եւ ժողովուրդների միջեւ:
Հանդիպման ընթացքում նախարարները մտքեր փոխանակեցին երկկողմ հարաբերությունների զարգացմանն ուղղված քայլերի շուրջ:
Զրուցակիցները քննարկեցին նաեւ տարածաշրջանային եւ միջազգային հրատապ խնդիրներ, մասնավորապես սիրիական ճգնաժամի, փախստականների հոսքերի հետ կապված հարցեր: Ընդգծվեց տարածաշրջանային եւ միջազգային խնդիրների վերաբերյալ պարբերական խորհրդակցությունների անցակցման կարեւորությունը։
Անդրադարձ կատարվեց Ֆրանկոֆոնիայի միջազգային կազմակերպության օրակարգային հարցերին: