Սփյուռքի տարբեր ներկայացուցիչներ առաջիկա խորհրդարանական ընտրությունների ժամանակ դիտորդական առաքելություն են իրականացնելու Հայաստանում: Այս մասին այսօր` դեկտեմբերի 5-ին, «Արդարություն Հայաստանում» նախաձեռնության վերաբերյալ մամուլի ասուլիսի ժամանակ նման կարծիք հայտնեց կանադահայ դերասանուհի և պրոդյուսեր Արսինե Խանջյանը:
«Սփյուռքում այժմ մի քանի կազմակերպված խումբ է գործում տարբեր երկրներում, որոնք աշխատանքներ են տանում ցանկացողների հետ, որպեսզի ապրիլին նրանք արդեն պատրաստ լինեն դիտորդական աշխատանքներ կատարելու եւ երկրի օգուտ տալու համար»,- ասաց Արսինե Խանջյանը:
Կանադահայ դերասանուհին հիշեցրեց, որ իրենց նախաձեռնության նպատակն է օգնել Հայաստանին, որը գտնվում է ոչ այնքան լավ վիճակում. Մարդու իրավունքների ոտնահարումները, արդարադատության բացակայությունը, արտագաղթը մեծ մտահոգություն են առաջացրել նաեւ Սփյուռքում, որի ներկայացուցիչներն էլ որոշել են նման նախաձեռնությամբ հանդես գալ:
