ԱՄՆ նորընտիր նախագահ Դոնալդ Թրամփը նախկին նյարդավիրաբույժ Բեն Քարսոնին նշանակել է բնակարանային շինարարության եւ քաղաքային զարգացման նախարար, հայտնում է The Washington Post–ը։
«Ես հուզված եմ ու ուրախ բժիշկ Բեն Քարսոնին բնակարանային շինարարության եւ քաղաքային զարգացման նոր նախարարի պաշտոնում նշանակելու համար»,– ասել է Թրամփը։
Հաղորդվում է, որ Քարսոնը առաջին աֆրոամերիկացին է նոր կառավարությունում։
Բեն Քարսոնը ամերիկացի բժիշկ–նյարդավիրաբույժ է եւ գրող, նա առաջինն է, ով բաժանել էր ծոծրակային սիամական երկվորյակներին։
