Հայաստանը ԵՄ–ում իր գործընկերներին վստահեցրել է, որ կհամագործակցի նրանց հետ նաեւ հետագայում։ Այս մասին դեկտեմբերի 7-ին՝ ԱԺ–ում կառավարության հարցուպատասխանի ժամանակ, ասել է վարչապետ Կարեն Կարապետյանը՝ պատասխանելով պատգամավոր Էդմոն Մարուքյանի հարցին։
Վարչապետը նշել է, որ Հայաստանը բարեկամություն չի անում մեկի հետ՝ ի հեճուկս մյուսի։
Եվրամիությունը Հայաստանի համար խոշոր դոնոր է եւ ներդրող։ Այդ պատճառով մենք պետք է համապատասխան վերաբերմունք ցուցաբերենք։ «Բայց ԵՏՄ մտնելով՝ մենք միթե չենք սահմանափակել ինչ–որ մեկի հետ շփվելու մեր հնարավորությունները։ Իհարկե ոչ։ Մենք բացահայտ այս մասին ասել ենք ԵՄ մեր գործընկերներին, որոնք նման մտահոգություն են հայտնել»,– ասել է վարչապետը։