«Սասնա ծռեր» խմբի անդամ Պավլիկ Մանուկյանի եղբայրը՝ Թաթուլ Մանուկյանը, դատապարտվել է 6 ամսվա ազատազրկման: Այս մասին NEWS.am-ի հետ զրույցում ասաց Թաթուլ Մանուկյանի պաշտպան Գիվի Հովհաննիսյանը:
«Դատաքննությունն անցկացվել է արագացված կարգով, Թաթուլ Մանուկյանն ընդունել էր մեղքը»,- ասաց փաստաբանը:
Թաթուլ Մանուկյանը կալանքի տակ էր հունիսի 1-ից, նրա տանը խուզարկությամբ զենք էր հայտնաբերվել: Հիշեցնենք, որ Թաթուլ Մանուկյանի գործն առանձնացվել էր Ժիրայր Սեֆիլյանի դեմ հարուցված քրեական գործից և քննվում էր առանձին վարույթում:
