Business Insider պարբերականը կազմել է 2016-ի վատագույն ֆիլմերի ցանկը։ Այս հակավարկանիշը կազմելիս պարբերականը օգտվել է գրախոսականների Metacritic ռեսուրսի տվյալները։

Առաջին տեղում է հայտնվել ամերիկացի ռեժիսոր Բարի Զոնենֆելդի «Ինը կյանքեր» կատակերգությունը՝ Քեւին Սփեյսիի մասնակցությամբ։ Ֆիլմը 100-ից 11 միավոր է ստացել։

Երկրորդ տեղում «Անտանելի լեդիները» ֆիլմն է՝ Ջուլիա Ռոբերթսի ու Ջենիֆեր Էնիսթոնի մասնակցությամբ։ Երրորդում՝ «Թեթեւաբարո պապիկ» ֆիլմը՝ Ռոբերտ դե Նիրոյի ու Զակ Էֆրոնի մասնակցությամբ։

Առաջին տասնյակում են նաեւ «Նորմն ու Անպարտելիները» անիմացիոն ֆիլմը, «Մաքս Սթիլ» գիտաֆանտաստիկ ֆիլմը, «Մերկ պղպեղներ» կատակերգությունը, «Ծառերի ծով» դրաման Մեթյու Մաքքոնահիի ու Նաոմի Ուոթսի մասնակցությամբ, «Եգիպտոսի աստվածները» մարտաֆիլմը՝ Ջերարդ Բաթլերի հետ ու «Զոհվածը» սարսափ- ֆիլմը Շայա ԼաԲաֆի մասնակցությամբ։

Վարկանիշը  եզրափակում է «Ալիսան Հայելիների աշխարհում» ֆիլմը, որում նկարահանվել են Ջոնի Դեպպը, Միա Վասիկովսկան, Հելենա Բոն Քարթերը, Էնն Հեդեվեյը ու Սաշա Բարոն Քոհենը։