Նիդեռլանդների կառավարությունը անում է հնարավոր ամեն ինչ, որպեսզի երկրի բոլոր բնակիչների համար ապահովվի Wi-Fi–ի հասանելիությունը։Այս մասին դեկտեմբերի 8-ին խորհրդարանում ասել է Նիդեռլանդների Էկոնոմիկայի նախարար Հենք Կամպը։
Նրա խոսքով գերարագ անլար ինտերնետը նույնպիսի հիմնական պահանջ է, որքան ջուրն ու էլեկտրականությունը։ Վերջին տասնամյակին, ըստ նախարարի, Wi-Fi-ը վերածվել է համակարգիչների ու հեռախոսների հիմնական գործառույթի։ «Առանց այդ տեխնոլոգիայի մեր տնտեսությունն անկում կապրի։ Եվ առաջիկա տարիներին անլար կապի միջոցով ծառայությունների անհրաժեշտությունը սպառողների ու բիզնեսի համար էլ ավելի կաճի»,- շեշտել է Հենք Քամը, փոխանցում է ՏԱՍՍ-ը։