Ղարաբաղյան հակամարտության գոտում ԵԱՀԿ-ի դիտորդներ տեղակայելու հարցում կոնսենսուս չկա: Այս մասին Ռուսաստանի ԱԳ նախարար Սերգեյ Լավրովը հայտարարել է Համբուրգում տեղի ունեցած ԵԱՀԿ-ի ԱԳ նախարարների խորհրդի նիստի արդյունքներով:
«Լեռնային Ղարաբաղի հակամարտության կարգավիճակի գործընթացի իրավիճակը վաղուց արդեն մեկնաբանել ենք, այդ թվում՝ նաեւ այն համաձայնությունների լույսի ներքո, որոնք ձեռք էին բերվել Վիեննայում Հայաստանի եւ Ադրբեջանի նախագահների հետ ԵԱՀԿ Մինսկի խմբի երեք համանախագահող երկրների ԱԳ նախարարների հանդիպմանը, եւ նախագահներ Ալիեւի ու Սարգսյանի հետ Ռուսաստանի նախագահ Վլադիմիր Պուտինի հանդիպմանը ձեռք բերված համաձայնությունների»,- նշել է Սերգեյ Լավրովը:
Նրա խոսքով՝ համաձայնություններն, առաջին հերթին, առնչվել են կրակի դադարեցման ռեժիմը պահպանելու համաձայնագրի վերահաստատման անհրաժեշտությանը: Դա արվել է, սակայն, ցավոք, խախտումները շարունակվում են, եւ մենք բարձր ենք գնահատում շփման գծում իրավիճակի մոնիթորինգում ԵԱՀԿ-ի դերը, նշել է նախարարը:
«Համաձայնություններն առնչվել են ԵԱՀԿ-ի դիտորդների թվի մածացմանը, ըստ որում՝ այդ թիվն աննշան է՝ խումբը 7 մարդով ավելացնել, որն առանց այն էլ համեստ թիվ է՝ 12 մարդ: Մենք կարծում ենք, որ համաձայնությունները պետք է ամրագրվեն ԵԱՀԿ-ի որոշումներով: Բայց դա անելու համար կենսենսուս է անհրաժեշտ: Ֆիզիկական, թվական մեծացման հարցում կոնսենսուս կա, սակայն կոնսենսուս չկա այն հարցում, թե նրանք որտեղ են տեղակայվելու: Ես, ինչպես եւ մյուս շատերը, կարծում եմ, որ նրանք պետք է տեղակայվեն շփման գծում»,- նշել է Սերգեյ Լավրովը:
