Թուրքիայի ռադիոհեռուստաընկերության բարձրագույն խորհրուրդը հայտնել է Ստամբուլի Vodafone Arena մարզադաշտի մոտ տեղի ունեցած պայթյունի հետ կապված տեղեկատվության արգելք սահմանելու մասին։
Թուրքական Cumhuriyet-ի փոխանցմամբ՝ ռադիոհեռուստաընկերության բարձրագույն խորհրուրդի տարածած հայտարարության մեջ նշվել է, որ վարչապետի պահանջով ժամանակավորապես արգելք է դրվում պայթյունի հետ կապված լրատվական հոսքերի վրա։ Հրապարակման են ենթակա լինելու միայն պաշտոնյաների հայտարարություններն ու պետական մարմինների հաղորդագրությունները։
Նշենք, որ Ստամբուլի Vodafone Arena մարզադաշտի մոտ ֆուտբոլային հանդիպումից հետո ռումբով բեռնված մեքենան մխրճվել է հավաքված ոստիկանների մեջ։ Տեղի ունեցած երկու պայթյունների հետեւանքով նախնական տվյալներով վիրավորվել է 20 ոստիկան։