Թուրքիայի խորհրդարանում դեկտեմբերի 12-ին իշխող «Արդարություն եւ զարգացում» կուսակցության պատգամավորները քրդական «Ժողովուրդների դեմոկրատական» կուսակցության պատգամավորների միջեւ ծեծկռտուք է տեղի ունեցել։
Թուրքական Cumhuriyet-ի փոխանցմամբ՝ Թուրքիայի առողջապահության նախարարի ելույթից հետո խորհրդարանի ամբիոնին է մոտեցել քուրդ պատագմավորը, որի հասցեին իշխող կուսակցության պատգամավորները դահլիճից սկսել են ռեպլիկներ անել, թե ժողովրդավարությունից խոսացող կուսակցությունը պաշտպանում է PKK-ին։ Վիճաբանությունը թեժացել է եւ ծեծկռտուքի վերածվել։
Ծեծկռտուքը դադարացնելու համար միջամտել են «Ժողովրդահանրապետական» կուսակցության պատգամավորները։
Ծեծկռտուքի հետեւանքով քուրդ պատգամավորներից մեկը վնասվածք է ստացել եւ խորհրդարանի բժշկի կողմից օգնություն ստացել։