Մոտ 4000 եզդի կանայք գտնվում են ԻՊ գերության մեջ։ Այս մասին դեկտեմբերի 16-ին՝ մամուլի ասուլիսում հայտարարեց «Հայաստանի Երիտասարդ եզդիների ասոցիացիայի» նախագահ Սաիդ Ավդալյանը:
Նրա խոսքով՝ գերտերություններն այլեւս ուշադրություն չեն դարձնում դրան։ «Ավելի քան 500 հազար եզդի փախստական է դարձել 2014 թվականի ընթացքում։ Նրանք ապրում ենք հիմնականում վրաններում, գտնվում են մարդասիրական աղետի սահմանին եւ մահանում են քաղցից եւ համաճարակներից։ Եթե քայլեր չձեռնարկվեն եզդիների փրկության համար, ապա Մերձավոր Արեւելքը կկորցնի եզդիական համայնքը»,– ասաց Ավդալյանը։
Նա նշեց, որ Շանգալի շրջանը դեռեւս ազատագրված չէ, եւ այսօր քայլեր են ձեռնարկվում Մոսուլի եւ Թել Աֆարի ազատագրման համար։