«ԱրմենՏել» ընկերությունը (ապրանքանիշը Beeline) Հայաստանի շրջաններում ընդլայնում է 3G ցանցը: Երրորդ սերնդի ցանցն արդեն գործարկվել է Ջերմուկ եւ Ծաղկաձոր քաղաքներում: 3G կապի տասնյակ նոր կայաններ շահագործման են հանձնվել Աբովյան, Գյումրի, Վանաձոր եւ Էջմիածին քաղաքներում, ինչի արդյունքում զգալիորեն ընդլայնվել է երրորդ սերնդի ցանցի ունակությունը:
«ԱրմենՏելը» պարբերաբար իրականացնում է Հայաստանում 3G ցանցի հզորության ավելացման եւ ծածկույթի աշխարհագրության ընդլայման աշխատանքներ: 2010թ-ի օգոստոս ամսին ընկերությունը եռապատկել է Երեւան քաղաքի ցանցի ունակությունը: Beeline 3G ցանցը ծածկում է ավելի քան 1 900 000 բնակչությամբ տարածքներ: Երրորդ սերնդի ցանցի էական ընդլայնման շնորհիվ կապի միասնական օպերատոր “ԱրմենՏել” ընկերությունն էլ ավելի մեծ թվով բաժանորդների համար բացում է նոր բջջային ծառայություններ. գերարագ ինտերնետ, տեսազանգ եւ այլ», - նշել է «ԱրմենՏելի» Գլխավոր տնօրեն Իգոր Կլիմկոն:
Նշենք, որ «ԱրմենՏելն» առաջին օպերատորն է, որ Հայաստանում գործարկել է երրորդ սերնդի բջջային ցանցը. 2008թ-ի հունիս ամսին` փորձնական, իսկ 2008թ-ի սեպտեմբերին` կոմերցիոն շահագործման: