Ղարաբաղյան հակամարտության կողմերից ոչ մեկն, ըստ էության, չի ուզում խաղաղապահներ տեղակայել, դա անխուսափելիորեն կկապի նրանց ձեռքերը։ NEWS.am–ի հետ զրույցում նման կարծիք է հայտնել ռուսաստանցի քաղաքագետ Ալեքսանդր Սկակովը։
«Եվ միջնորդ երկրներից ոչ մեկը չի ուզում իր խաղաղապահներին այդ տարածաշրջան ուղարկել։ Շատ մեծ պատասխանատվություն է եւ շատ վտանգավոր է»,– հիշեցրեց փորձագետը։
Ընդ որում, նա նշեց, որ եթե խաղաղ կարգավորման ուղղությամբ տեղաշարժ լինի, խաղաղապահներ ուղարկելը անխուսափելի կլինի։ «Իհարկե ոչ մի երկիր երբեք իր վրա չի վերցնի դրա պատասխանատվությունը, դա կարող են միայն հավաքական ուժեր լինել։ Հիմա դիտորդներ տեղակայելու հարցը լուծելն ավելի իրատեսական կլիներ, բայց դա էլ է նկատելի դիմադրություն հանդիպում։ Ամեն դեպքում, իհարկե, Ռուսաստանն այդ գործընթացներից անմասն չի մնա»,– նշել է Ալեքսանդր Սկակովը։
