Նյու Յորքի բնակիչը 98 տարեկանում պահպանել է լավ ֆիզիկական տվյալները յոգայի շնորհիվ, գրում է Daily Mail–ը։
Պարբերականը կնոջն անվանում է աշխարհի ամենատարեց յոգայի հրահանգիչ։ ԱՄՆ–ում ապրող հնդկաստանցի Տաո Պորչոն Լինչը 8 տարեկանում սկսել է յոգայով զբաղվել, արդեն ավելի քան 75 տարի դասընթացներ է անցկացնում։ Նա իր մարզումները սկսում է առավոտյան ժամը 5-ին։ Նրա խոսքով՝ գլխավորը հավատալն է, որ անհնարին բան չկա։ «Կյանքի ուրախությունը մեր մեջ է հենց»,– ասում է նա։
Նա ճանապարհորդում է աշխարհով մեկ բժիշկ Թերրի Քենեդիի հետ, մարզումներ կազմակերպում եւ ոգեւորում մարդկանց։
