Երեւանի կենտրոնում մսի փողոցային առեւտրին վերջ կդրվի։ Այս մասին այսօր՝ հունվարի 16-ին, լրագրողներին ասաց Գյուղատնտեսության նախարարության Սննդամթերքի անվտանգության պետական ծառայության սննդամթերքի վերահսկողության բաժնի պետ Վահե Դանիելյանը:
Նրա խոսքով՝ Ծառայության ներկայացուցիչներն արդեն զրուցել են Խորենացի փողոցի առեւտրի կետերի տերերի հետ եւ կարգադրել են մսի առեւտեւրը բերել համապատասխան նորմերի։ «Առաջին հերթին նրանք պետք է վաճառքի տարածքներ կառուցեն, որոնց ներսում կլինեն սառնարաններ, ինչպես նաեւ տաք եւ սառը ջուր»,– ասաց նա։
Աշխատանքները սկսվել են հունվարի 16-ին։ Երբ պետք է ավարտվեն՝ Դանիելյանը չհայտնեց, սակայն ասաց, որ դրանք չեն ձգձգվի։