Եվրասիական միությունը անդամ երկրներին խորհուրդ է տալիս բարելավել մակրոտնտեսական ցուցանիշները: Այս մասին հունվարի 16-ին՝ մամուլի ասուլիսի ժամանակ հայտարարել է Եվրասիական տնտեսական հանձնաժողովի մակրոտնտեսության եւ ինտեգրացիայի հիմնական ուղղությունների կոլեգիայի անդամ (նախարար) Տատյանա Վալովայան:

Նրա խոսքով՝ հիմնական բնութագրիչներով այդ ցուցանիշները հիշեցնում են եվրոգոտու կոնվերգենցիայի Մաաստրիխի չափանիշները: Այսպես՝ խորհուրդ չի տրվում, որ բյուջեի պակասուրդն անցնի ՀՆԱ 3 տոկոսի սահմանից, իսկ պետական պարտքը՝ ՀՆԱ 60 տոկոսից: 2016-ին ԵՏՄ երկրները հիմնականում այս ցուցանիշենրն անցել են: ԵՏՀ-ը հրահանգները պատրաստել ցանկալի ցուցանիշներին վերադառնալու համար:

Նշենք, որ Հայաստանի պետական բյուջեի պակասուրդը 2016-ին ակնկալվում է ՀՆԱ-ի 5,9 տոկոս (դեռեւս վերջնական ամփոփում չի կատարվել): 2017-ին այն ծրագրվել է հասցնել ՀՆԱ 2,8 տոկոսի: 2014-2016 թվականներին ՀՆԱ նկատմամբ պետական պարտքի մակարդակը աճել է մոտ 16 տոկոսային կետով՝ 38,3 տոկոսից մինչեւ 54,5 տոկոս: 2017-ին աճը ծրագրված է կանգնեցնել (ՀՆԱ-ի 55,1 տոկոս):