Դոնալդ Թրամփն ԱՄՆ նախագահի պաշտոնում առաջին օրն ավարտել է արբանյակային կապի միջոցով Աֆղանստանում ամերիկացի զինվորականների հետ զրույցով: Այս մասին հաղորդում է «Ամերիկայի ձայնը»:
Նախագահը զինծառայողների հետ զրուցել է երդմնակալության առիթով կազմակերպված պարահանդեսի ժամանակ: Զինվորականները նրան շնորհավորել են պաշտոնը ստանձնելու առիթով:
Թրամփն ասել է, որ նրանք կարող են ցանկացած հարց ուղղել իրեն, բայց երիտասարդ զինվորները միայն հերթով շնորհավորել են նրան: Նախագահն անընդհատ կատակել է, որ իրեն դուր են գալիս նրանց «հարցերը»: