Հետազոտողները կազմել են ամենամեծ վտանգների ցուցակը, որոնք կարող են պատահել Երկիր մոլորակի հետ, հայտնում է Planet-today-ը:
Առաջին վտանգը Արեւի հզոր էներգիան է, որը կարող է սպառնալ մեր մոլորակին: Աստղագետները հասկացել են, որ Արեւը կարող է մեզ համար վտանգավոր ճառագումներ արձակել, իսկ ամենասարսափելին արեւային էներգիայի խտացումներն են, որոնք Երկիր մոլորակից մի քանի անգամ մեծ են: Որոշ արեւային փոթորիկներ կարող են էապես նվազեցնել մեր մոլորակի վրա բնակվելու պայմանների ընդունելիությունը:
Մյուս վարկածը աստերոիդի հետ բախումն է: Շատերն են լսել, որ դինոզավրերը ոչնչացել են հենց այդ պատճառով: Քանի որ տիեզերական տարածքը մեծ է, ապա դժվար է կանխատեսել, թե որ տիեզերական մարմինը կբախվի մեր մոլորակին:
Մյուս վտանգավոր սցենարը Արեւի սառչելն է: Մասնագետների հաշվարկով՝ դա տեղի կունենա մոտ 7.7 մլրդ տարի անց: Եթե Երկիր մոլորակի վրա մինչ այդ ամեն բան պահպանվի նույն տեսքով, ապա մեր սերունդները մոլորակի ոչնչացման ականատեսը կդառնան: Արեւի սառչելու հետեւանքով այն կսկսի ավելի մեծ քանակությամբ էներգիա արձակել, իսկ Երկրի շարժը կդանդաղի: Դրա հետեւանքով մոլորակն ուղղակի կընկնի Արեւի վրա եւ կայրվի դրա ներսում:
