Տու-22ՄԶ 6 ռմբակոծիչներ հարվածել են Սիրիայի Դեր Զոր գավառի Սալխիյախ բնակավայրի շրջանում գտնվող արտադրամասերին, որտեղ «Իսլամական պետություն» ահաբեկչական խմբավորման անդամները զինամթերք եւ պայթուցիկներ էին պատրաստում, Ռուսաստանի պաշտպանության նախարարության հաղորդագրությունն է ներկայացրել ՏԱՍՍ-ը:
«Հունվարի 24-ին հեռահար թռիչքի 6 ռմբակոծիչներ թռչելով Ռուսաստանի տարածքի օդանավակայանից եւ անցնելով Իրաքի ու Իրանի տարածքներով՝ խմբային ավիահարված են հասցրել ԻՊ-ի սպառազինության եւ զինամթերքի պահեստներին»,- նշված է գերատեսչության հաղորդագրության մեջ:
Դրանից բացի, հարվածի տակ են հայտնվել ահաբեկիչների ռազմական տեխնիկայի կուտակումների շրջանները: Պաշտպանության նախարարությունից նշել են, որ «օբյեկտիվ վերհսկողության միջոցներով հաստատվել է նախանշված բոլոր թիրախների խոցումը»: