«Սասնա ծռեր» խմբի անդամ, «Միայնակ գայլ» Արայիկ Խանդոյանի կալանքի ժամկետը երկարացնելու դեմ նրա պաշտպանների բողոքը Վերաքննիչ դատարանն այսօր՝ փետրվարի 13-ին, մերժել է: Բողոքի քննությանը ներկա է եղել նաեւ Արայիկ Խանդոյանը:
Վերաքննիչ դատարանի այս որոշումը պաշտպանները կբողոքարկեն Վճռաբեկ դատարան:
Հունվարի 27-ին Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը բավարարել էր նախաքննական մարմնի ներկայացրած միջնորդությունը եւ երկարացրել Արայիկ Խանդոյանի կալանքի ժամկետը:
Արայիկ Խանդոյանին մեղադրանք է առաջադրվել Քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):