Ադրբեջանում Ռուսաստանի դեսպանատունը ձեռնարկում է բոլոր հնարավոր միջոցները՝ բլոգեր Ալեքսանդր Լապշինին օգնելու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է TASS-ը։
«Չնայած իր քաղաքացիներին երրորդ երկրներին արտահանձնելու անթույլատրելիության ռուսական դիրքորոշումը մի քանի անգամ Մինսկ է հասել՝ փետրվարի 7-ին Լապշինը Ադրբեջան է արտահանձնվել», - ասել է նա։
«Փետրվարի 9-ին Բաքվի մեկուսարանում նրան այցելել են Ռուսաստանի դեսպանատան ներկայացուցիչները։ Ռուս դիվանագետների հետ զրույցի ժամանակ կալանքի պայմանների վերաբերյալ բողոքներ չեն ստացվել»,-տեղեկացրել է Զախարովան։
Նրա խոսքով՝ ռուսական կողմը « մշտապես կապի մեջ է Ադրբեջանի իրավապահ մարմինների, գլխավոր դատախազության, ԱԳՆ-ի, այդ երկրում Իսրայելի դեսպանատան հետ»։ «Մեր լիազորության շրջանակներում մենք ձեռնարկում ենք հնարավոր բոլոր միջոցները՝ ռուս քաղաքացու պաշտպանության համար։ Այդ հարցը մշտապես վերահսկողության ներքո ենք պահում, Լապշինին որակավորված փաստաբանական օգնություն է ցուցաբերվում։ Առջեւում դատական պարզաբանումն է,-նշել է Զախարովան։
Իսրայելի եւ Ռուսաստանի քաղաքացի բլոգեր Ալեքսանդր Լապշինը անցյալ տարվա դեկտեմբերին ձերբակալվել է Մինսկում։ Պատճառը Ադրբեջանի հարցման պատճառով նրա՝ հետախուզվող անձանց միջազգային ցուցակում հատնվելն է։ Բաքուն մեղադրում է նրան առանց Ադրբեջանի համաձայնության Լեռնային Ղարաբաղ այցելության մեջ։