Ռուսաստանի կողմից 125.2 մլն դոլարի չափով ԽՍՀՄ-ի վերջին պարտքը մարելու մասին համաձայնագիրը կստորագրվի առաջին մի քանի ամիսներին, իսկ պարտքը կմարվի այս տարվա ամռան սկզբին: Այս մասին գրում է «Իզվեստիա»-ն՝ վկայակոչելով կառավարության աղբյուրին:
«Համաձայնագիրը տեխնիկապես վաղուց է պատրաստ, երկրներն այն վավերացրել են: Մնում է միայն ստորագրել այն, դա առաջիկա ամիսների հարց է»,- ասել է նա:
ՌԴ ֆինանսների նախարարությունում հաղորդել են, որ պարտքը մարելու են բյուջետային միջոցների հաշվին, որոնք նախատեսված են 2017 թվականին պետական պարտքը կարգավորելու համար:
