Իրանը չի պատրաստվում միջուկային զենք արտադրել։ Այս մասին Անվտանգության հարցերին նվիրված մյունխենյան համաժողովում հայտարարել է Իրանի ԱԳ նախարար Մոհամադ Ջավադ Զարիֆը, հաղորդում է ՏԱՍՍ-ը։
«Իրանը միշտ ասել է, որ իր միջուկային ծրագիրը խաղա բնույթ ունի։ Մենք չենք պատրաստվում միջուկային զենք արտադրել։ Բոլորն ասում են, որ մենք ունենք բավարար հզորություն, որպեսզի դա իրականություն դարձնենք մեկ տարվա ընթացքում, բայց ես հստակ եւ պարզ հայտարարում եմ, որ միջուկային զենքը ոչինչ չի ավելացնի մեր անվտանգությանը եւ չի օգնի որեւէ երկրի անվտանգությանը»,-ընդգծել է Զարիֆն ու հավելել, որ հիմա, հակառակը, միջուկային զենքից պետք է ազատվել։
Իր ելույթում Իրանի ԱԳ նախարարը նաեւ հայտարարել է, որ «ԻՊ»-ը եւ «Ջեբհաթ ան-Նուսրան» քիմիական զենք ունեն։ Նրա խոսքով, Իրանը առաջաիններից էր, որ դատապարտել է քիմիական զենքի կիրառումը։ Զարիֆը նշել է, որ ԱՄՆ արկածախնդրությունը եւ մի շարք երկրների կողմից ահաբեկչական խմբավորումներին աջակցությունը թուլացնում է տարածաշրջանի անվտանգությունը։
