«Սասնա ծռեր» խմբի անդամ Աշոտ Պետրոսյանը երեկ` փետրվարի 19-ին, դադարեցրել է հացադուլը: Այս մասին NEWS.am-ին ասաց նրա պաշտպան Արայիկ Պապիկյանը:
«Աշոտ Պետրոսյանը դադարեցրել է հացադուլը, քանի որ ինչպես ինքն է բացատրում, չի ցանկանում իր քայլով ուշադրությունը շեղել Արթուր Սարգսյանի պահանջից»,- ասաց փաստաբանը:
Աշոտ Պետրոսյանը հացադուլ էր սկսել 5 օր առաջ` այս կերպ իր աջակցությունը հայտնելով Արթուր Սարգսյանին:
Հիշեցնենք, որ «Սասնա ծռեր» խմբին օժանդակելու մեջ մեղադրվող Արթուր Սարգսյանի խափանման միջոցը փետրվարի 9-ին փոխվել էր, նա կալանավորվել էր: Հաջորդ օրվանից Սարգսյանը գտնվում է հացադուլի մեջ՝ այս կերպ իր բողոքն արտահայտելով նախաքննական մարմնի որոշման դեմ։
