ՀՀ աշխատանքի եւ առողջապահության նախարարությունները քննարկում են, թե արդյոք կարելի՞ է բժշկական օգնության ծախսերը դարձնել ընտանեկան կապիտալի ուղղություններից մեկը։ Այս մասին փետրվարի 20-ին հայտարարել է ՀՀ աշխատանքի եւ սոցիալական հարցերով նախարարության կենսաթոշակային ապահովման բաժնի պետ Անահիտ Գալստյանը։
«Պետությունը ցանկանում է, որ այդ գումարը լինի երկարաժամկետ նպատակների համար եւ ոչ առօրյա ծախսերի։ Իհարկե, շատերը բողոքում են, որ մարդկանց չի բավարաում գումարը նույնիսկ կենցաղային ծախսերի համար, ուր մնաց՝ մտածել 20 տարի անց երեխայի տան կամ ուսման վարձը վճարելու մասին։ Այս դեպքում դժվար է ինչ-որ բան ասել։ Սակայն մենք ցանկանում ենք, որ երբ երեխան հասուն կյանքի անցնի, գումար ունենա », - ասել է պաշտոնյան։
Ընտանեկան կապիտալը ձեւավորվում է երրորդ եւ մյուս երեխաների ծնունդից հետո միանվագ նպաստից։
«Նպատակային ծախսերին հետեւլու համար պետությունը այդ միջոցները կպահի բանկային հաշվեհամարներում մինչ երեխայի չափահաս դառնալը, իսկ բանկերին կպարտավորեցնի դրանց տոկոսներ փոխանցել ֆզիկական անձանց ներդրումների տոկոսներից ոչ պակաս։ Ուստի 18 տարուց այդ գումարը կարող է աճել։ Այսպես թե այնպես այժմ քննարկվում է նաեւ այդ միջոցները բժշկական օգնության վրա ծախսելը։ Ուստի այժմ երկու նախարարություններում քննարկվում է, թե ինչպես հետեւել, որ բուժման համար ստացված միջոցները այլ նպատակներով չծախսվեն»,-հավելել է Գալստյանը։
