ԼՂՀ արտգործնախարար Կարեն Միրզոյանը ընդունել է դիտորդական առաքելությամբ Արցախ ժամանած ուրուգվայական «Լեռնային Ղարաբաղ ֆորում»-ի անդամ, նախկին սենատոր Օսկար Ադոլֆո Լոպես Գոլդարասենին։

ԼՂՀ ԱԳՆ մամուլի ծառայությունից հայտնում են, որ հանդիպման ընթացքում քննարկվել են Ուրուգվայական «Լեռնային Ղարաբաղ ֆորում»-ի կողմից իրականացվող աշխատանքները, որոնք ուղղված են տարբեր ոլորտներում երկկողմանի հարաբերությունների հաստատմանը ու ԼՂՀ-ում ընթացող ժողովրդավարական գործընթացների ու Արցախի ժողովրդի ինքնորոշման իրավունքի իրացման վերաբերյալ Ուրուգվայի հասարակայնության իրազեկման մակարդակի բարձրացմանը։

Կողմերը քննարկել են նաեւ մի շարք այլ հարցեր, որոնք փոխադարձ հետաքրքրություն են ներկայացնում։