Ադրբեջանը վերջին շրջանում ոչ միայն տորպեդահարում է բանակցային գործընթացը, այլեւ իր ոչ տրամաբանական գործունեությամբ մարտահրավեր է նետել քաղաքակիրթ աշխարհին: Այդ մասին այսօր՝ ՀՀԿ Գործադիր մարմնի նիստից հետո լրագրողներին ասել է ՀՀԿ մամուլի քարտուղար Էդուարդ Շարմազանովը:
Նրա խոսքով, թե Արցախի հանրաքվեին ոչ ադեկվատ արձագանքը, թե սեւ ցուցակի ընդլայնումը, թե Եվրախորհրդարանի պատգամավորների նկատմամբ հետախուզում հայտարարելը անտրամաբանական եւ զավեշտալի քայլեր են: «Չնայած մի երկրում, որտեղ արդեն ոչ թե խանական, այլ ընտանեկան կառավարում է, ոչինչ զարմանալի չէ: Չենքք զարմանա, որ մի օր էլ Ալիեւի որդին լինի վարչապետ, դուստրը՝ խորհրդարանի նախագահ: Այդ երկրում կատարված ոչնչից պետք չէ զարմանալ: Ես զարմանում եմ, որ դուք եք զարմանում»,- ասել է Շարմազանովը լրագրողներին: