«Ժամանակ» թերթը գրում է. «ՀՀԿ գործարար պատգամավոր Սամվել Ալեքսանյանը Շենգավիթ վարչական շրջանի՝ «Առաջին» եւ «Երրորդ» մասի հատվածներում ՀՀԿ-ից առաջադրված Կադաստրի պետական կոմիտեի ղեկավար Մարտին Սարգսյանի դեմ մոբիլիզացրել է տարածքի քրեական աշխարհի ներկայացուցիչներին։
Բանն այն է, որ Սարգսյանի եղբայրը այդ վարչական շրջանի ղեկավարն է եւ համարվում է քաղաքապետ Տարոն Մարգարյանի «մարդը»։
Քրեական աշխարհից այս տարածքում համակարգում է Վստրեչի Ապերը, ով պատասխանատու է նաեւ Էրեբունի վարչական շրջանի ընտրություններին ներգրավված քրեականների համակարգմամբ։ Հենց քրեականների վրա է դրված բոլոր փողոցների եւ շենքերի ազդեցիկ մարդկանց հանդիպելու, վախեցնելու եւ անհրաժեշտության դեպքում ուժով հարցերը լուծելու պարտականությունը»։
Առավել մանրամասն՝ թերթի այսօրվա համարում
