Զարուհի Փոստանջյանը ցանկացած ժամանակ կարող էր ընդգրկվել «Ելք» դաշինքի անցողիկ տեղերում: Այս մաիսն այսօր՝ փետրվարի 24-ին, իր ֆեյսբուքյան ասուլիսի ժամանակ ասել է «Ելք» դաշինքի ներկայացուցիչ, ԱԺ ՀԱԿ խմբակցության պատգամավոր Նիկոլ Փաշինյանը: Նա նշել է, որ «Ելք» դաշինքը բանակցություններ է վարել «Ժառանգություն» կուսակցության հետ, որովհետեւ հետաքրքրված է եղել Զարուհի Փոստանջյան անձով:
«Ինքս մի քանի անգամ հանդիպել եմ Զարուհի Փոստանջյանին, Էդմոն Մարուքյանն էլ: Մեր հետաքրքրության 60+1 տոկոսը կապված էր Զարուհու հետ, երբ բանակցում էինք «Ժառանգության» հետ: Զարուհի Փոստանջյանի համար կուսակցությւոնում վերջին ժամանակում տեղի ունեցածը ողբերգություն է: Նա, եթե ուզենա, մեր դաշինքում ամենապատվավոր, անցողիկ տեղերում տեղ կգտնվի: Մենք արել ենք առավելագույնը նրա հետ բանակցելու համար»,-ասել է նա:
Ավելի վաղ տեղեկացրել էինք, որ «Ժառանգություն» կուսակցության անդամ, նույնանուն խմբակցության պատգամավոր Զարուհի Փոստանջյանը լքել է «Ժառանգություն» կուսակցությունը:
