ՆԱՏՕ-ի գլխավոր քարտուղար Ենս Սթոլթենբերգը մտահոգված է Ղարաբաղում շփման գծի երկայնքով շարունակվող բռնություններով, այդ թվում այս հանգստյան օրերին։

«Կարեւոր է խուսափել էսկալացիայից, հակամարտությունը ռազմական լուծում չունի»,- հայտնել է Սթոլթենբերգը Բրյուսելում Հայաստանի նախագահ Սերժ Սարգսյանի հետ հանդիպումից հետո։

Նրա խոսքով շարունակվող հակամարտությունը արգելակում է տարածաշրջանի զարգացումը։ «Մենք Հայաստանին ու Ադրբեջանին կոչ ենք անում վերադառնալ բանակցային սեղանի շուրջ ու աշխատել խաղաղ կարգավորման ուղղությամբ։ ՆԱՏՕ-ն ամբողջովին աջակցում է ՄԻնսկի խմբի գործընթացը»,- նշել է Սթոլթենբերգը։