Չեռնոգորիան կմիանա ՆԱՏՕ-ին մինչեւ մայիսին Բրյուսելում ծրագրված դաշինքի գագաթնաժողովը, նման կանխատեսումներ է արել երկրի արտգործնախարար Սրջան Դարմանովիչը, փոխանցում է The Wall Street Journal–ը։

Ռուսաստանը շարունակում է բողոքել դաշինքին Չեռնոգորիայի անդամակցության դեմ ու հրահրել ընդդմիդությանը, հայտնել է Դարմանովիչը։ 24 դաշնակիցները արդեն վավերացրել են Չեռնոգորիայի անդամակցությունը, մնացել են միայն ԱՄՆ-ն ու ՆԱՏՕ-ի երեք անդամներ։ «Ինչ վերաբերում է Չեռնոգորիային, ապա մենք համարում ենք, որ մեզ չեն կարող խանգարել դառնալ դաշինքի լիարժեք անդամ,- նկատել է Դարմանովիչը պարբերականին տված հարցազրույցում,- Մենք չենք տեսնում դրա համար որեւէ լուրջ խոչընդոտ»։

Կոնգրեսականների խոսքով, ՆԱՏՕ-ին Չեռնոգորիայի անդամակցությունը լուրջ աջակցություն ունի Սենատում, որը պետք է ձայների երկու երրորդով վավերացնի Հյուսիսատլանտյան պայմանագրի փոփոխությունը, ասվում է հոդվածում։ Կոնգրեսում հանրաապետականները ակնկալում էին, որ փոխնախագահ Մայք Փենսը կաջակցի ՆԱՏՕ-ին Չեռնոգորիայի անդամակցությունը Անվտանգության հարցերով մյունխենյան համաժողովում, սակայն նա այդպես էլ չէր հիշատակել այդ բալկանյան երկիրը։ Այդուհանդերձ Դարմանովիչը ասում է, որ ԱՄՆ վարչակազմի աջակցության վերաբերյալ ինքը կասկածներ չունի։