«Հաց բերող» Արթուր Սարգսյանի կրկնակի ձերբակալությունը կապված է Հայաստանում կայանալիք խորհրդարանական ընտրությունների հետ։ Այս մասին մարտի 1–ին լրագրողների հետ հանդիպման ժամանակ հայտարարել է երգահան Եղիշե Պետրոսյանը։
Նրա խոսքով՝ ժողովուրդը սիրում է Արթուր Սարգսյանին, այդ պատճառով էլ նա սպառնալիք է իշխանությունների համար։
Խոսելով առաջիկա ընտրությունների մասին՝ երաժիշտը նշել է. «Քանի դեռ 2008–ի մարտի 1–ի իրադարձություններն ամբողջությամբ բացահայտված չեն, մեզ մոտ չեն կարող արդար ընտրություններ տեղի ունենալ։ Կեղծողը գիտի, որ անպատիժ կմնա, կրակողը գիտի, որ անպատիժ կմնա»։