Ռուսաստանի Պետդումայի պատվիրակությունը՝ խոսնակ Վյաչեսլավ Վոլոդինի գլխավորությամբ, պաշտոնական այցով Հայաստան կժամանի։ Այցի շրջանակում խորհրդարանականները կհանդիպեն ՀՀ նախագահ Սերժ Սարգսյանի եւ Ազգային ժողովի նախագահ Գալուստ Սահակյանի հետ, հաղորդում է «Խորհրդարանական թերթը»։
Կողմերը կքննարկեն երկկողմ համագործակցության նախադրյալները եւ միջխորհրդարանական հարթակներում համագործակցության հարցերը՝ ներառյալ ՀԱՊԿ-ը, ԵԱՀԿ-ն, ԱՊՀ-ն։ Կքննարկվի նաեւ խորհրդարանական հանձնաժողովների մակարդակով համագործակցությունը։
Ռուսական պատվիրակության կազմում ներառվել են պետդումայի՝ ԱՊՀ գործերով, եվրասիական ինտեգրման եւ հայրենակիցների հետը կապերի կոմիտեների ղեկավար Լեոնիդ Կալաշնիկովը, տրանսպորտի եւ շինարարության հարցերով կոմիտեի ղեկավար Եվգենի Մոսկվիչյովը, հասարակական ու կրոնական հարցերով կոմիտեի նախագահՍերգեյ Գավրիլովը։ Պատվիրակության կազմում ներառվել են նաեւ Ղրիմի պետական խորհրդի նախագահ Վլադիմիր Կոնստանտինովն ու Կրասնոդարի երկրամասի օրենսդիր ժողովի ղեկավար Վլադիմիր Բեկետովը:
