ԱՄՆ Կոնգրեսն օրենք է ընդունել, որով հստակեցվում է ՆԱՍԱ-ի քաղաքականությունն առաջիկա 5 տարում, ինչպես նաեւ ընդունել է գործակալության 2017 թ. բյուջեն: Փաստաթուղթը, ինչպես եւ սպասվում է, կստորագրի նախագահ Դոնալդ Թրամփը, հաղորդում է Space News-ը:
ՆԱՍԱ-ի բյուջեն 2017թ. Ֆինանսական տարվա համար կազմելու է 19,5 մլրդ դոլար: Հնգամյա պլանով նախատեսվում է շարունակել Մարսի առաքելության նախապատրաստման աշխատանքները, որի իրականացումը ծրագրվում է 2030-ականներին: ARM (Asteroid Redirect Mission) նախագիծը, որը ենթադրում էր աստերոիդի տեղափոխում Լուսնի ուղեծիր, առաջարկվել է մի կողմ դնել:
Կոնգրեսականները նաեւ առաջարկում են հնարավորինս շուտ ազատվել Ռուսաստանի՝ տիեզերագնացներին ՄՏԿ տեղափոխելու ծառայությունից: Dragon V2 եւ Starliner սարքերի գործարկման հետաձգման դեպքում առաջարկվում է գործարկել ավել թանկարժեք Orion տիզերանավը:
Բացի այդ, Կոնգրեսը պաշտոնապես նախաձեռնել է Եվրոպա առաքելության աշխատանքների սկիզբը՝ Յուպիտերի արբանյակի կողմից սառուցյալ օվկիանոսի ուսումնասիրման միջոցով:
