«Գահերի խաղի» հեղինակները հաստատել են, որ եզրափակիչ սեզոնը վեց սերիա է ունենալու, հաղորդում է CNN-ը: Այս մասին Դեյվիդ Բենիոֆն ու Դենիել Բրետ Ուայսը հայտարարել են Թեխասում կայացած South by Southwest փառատոնի ժամանակ:
Ավելի վաղ հայտնի էր դարձել, որ յոթերորդ եւ ութերորդ սեզոնները ավելի կարճ են լինելու, քան նախորդները: Բենիոֆի խոսքով՝ հիմա իրենք ունեն 140 էջանոց պլան, որը վերածվելու է եզրափակիչ սեզոնի վեց սերիայի:
Ներկայումս ավարտվել են յոթերորդ սեզոնի նկարահանումները, պրեմերիան տեղի կունենա հուլիսի 16-ին: Հանդիսատեսին կներկայացվի յոթ էպիզոդ՝ սովորական 10-ի փոխարեն:
Որոշ ժամանակ առաջ դերասան Քիթ Հարինգթոնը խոստացել էր, որ «Գահերի խաղի» նոր սեզոնը շատ ավելի լավն է լինելու, քան նախորդները: