Բրիտանացի հայտնի աստղոֆիզիկոս Սթիվեն Հոքինգը հայտարարել է տիեզերք մեկնելու պատրաստակամության մասին։ Այս մասին նա հայտնել է նախօրեին Good Morning Britain հեռուստահաղորդման եթերում։
Կողմնային ամիոտրոֆիկ սկլերոզով տառապող 75-ամյա աստղոֆիզիկոսն ասել է, որ երբեք չի մտածել, որ տիեզերք թռչելու հնարավորություն կստանա, քանի դեռ նրան դա անել չէր առաջարկել գործարար Ռիչարդ Բրենսոնը։
«Իմ երեք երեխաները ինձ մեծ ուրախություն պարգեւեցին։ Եւ ես կարող եմ ասել՝ ինչն է ինձ երջանակցնում՝ տիեզերք թռիչքը։ Ես կարծում էի, որ ոչ ոք ինձ այնտեղ չի ուղարկի, բայց Ռիչարդ Բրենսոնն ինձ տեղ առաջարկեց Virgin Galactic տիեզերանավում, ես անհապաղ պատասխանեցի՝ այո», - ասել է գիտնականը։