Առաջիկա մի քանի տարում Audi ընկերությունը ծրագրում է մոդելների շարքը զգալիորեն թարմացնել։ Այն կսկսի մի քանի էլեկտրոմոբիլների արտադրությունը, ինչպես նաեւ կմտնի բիզնեսի նոր ուղղություններ՝ կապված թվային տեխնոլոգիաների հետ։ Այս մասին ասվում է ապրանքանիշի մամուլի ասուլիսում։ Բացի այդ, մինչ 2019-ը ապրանքանիշը խոստացել է երկու նոր քրոսովեր ներկայացնել։

«2016-ը մեր ընկերության համար այնքան էլ թեթեւ չէր, բայց մենք կարողացանք ավարտել այն մեր գործունեության հիմնական ուղղությունից ստացված եկամտի կայունությամբ եւ դնել ապագա զարգացման գլխավոր հիմքերը», — մեկնաբանել է Audi AG-ի կառավարման նախագահ Ռուփեր Շտադլերը։