Գերմանիայի կանցլեր Անգելա Մերկելը Սպիտակ տանն ԱՄՆ նախագահ Դոնալդ Թրամփի հետ հանդիպումից առաջ ուսումնասիրել է Playboy ամսագրին նրա տված հարցազրույցը: Այս մասին գրում է The Independent-ը՝ վկայակոչելով գերմանական պաշտոնական աղբյուրներին:
1990 թվականին էրոտիկ ամսագրի համարներից մեկում Թրամփի հետ հարցազրույց է հրապարակվել, որում նա մի շարք քաղաքական թեզեր է առաջ քաշել եւ, պարբերականի զրուցակիցների խոսքով, «հիմա փորձում է դրանք իրականացնել նախագահի պաշտոնում»:
Ըստ Lenta-ի՝ հանդիպմանը նախապատրաստվելիս Մերկելի թիմը նաեւ վերլուծել է Մեծ Բրիտանիայի, Ճապոնիայի եւ Կանադայի վարչապետերի հետ հանդիպման ժամանակ ամերիկյան նախագահի վարկագիծը: